დაუჯერებელი ვარცხნილობა ანიმეს სტილში, კოსმიური ფეხსაცმელი, ვერცხლისფერი „კოლგოტები" და ბრჭყვიალა ფუტურისტული აქსესუარები- კარლ ლაგერფელდმა გახსნა მომავლის ფარდა და როგორც ფანტასტიკურ ფილმში, აჩვენა სტილის „20 წლის შემდეგ „ ელემენტები. გამოვიდა ფანტაზია საკულტო ფანტასტიკური ფილმების თემაზე შორეულ გალაქტიკაზე და მომავლის სამყაროზე.

კუტურიემ გარდაქმნა მოდის სახლის სახელობითი ტვიდის კოსტიუმები და თავისუფალი კაბები ფუტურიზმის სტილში. თუმცა თავად მოდელიერს არ უყვარს ეს სიტყვა. ეს კოლექცია აღმოჩნდა მოსალოდნელიც და მოულოდნელიც მოდის კვირეულზე.

ლაგერფელდმა აქცენტი გააკეთა ვერცხლის და პასტელის შეხამებაზე, ყურადღების მიღმა დატოვა შავი და მუქი ლურჯი, რომელიც ჩვეულებრივ დიდი რაოდენობით არის მის კოლექციაში.

ახალი კოლექცია გახდა წარსულის და მომავლის, რომანტიკის და უზუსტესი ხელით ნაშრომის შერწყმა, რამაც ყოველი ნიმუში 65 გამოსვლიდან შედევრად გადააქცია.